സെപ്റ്റംബര് 2007
പ്രസിഡന്റ് ബുഷിന്റെ കളയലവിന്റെ അവസാന പാദം. ഭീകര വാദത്തിനെതിരെ എന്ന് പറഞ്ഞു തുടങ്ങിയ രണ്ടു യുധ്ദങ്ങളും അമേരിക്കന് ജനതയെ മടുപ്പിചിരിക്കുന്നു . മാന്ദ്യത്തിലേക്ക് നടന്നടുക്കുന്ന അമരിക്കന് സമ്പദ് വ്യവസ്ഥയുടെ തകര്ച്ചയുടെ ആക്കം കൂട്ടുന്ന ഭരണ പരിഷ്കാരങ്ങള് ,കത്രീന പോലെയുള്ള പ്രകൃതി ക്ഷോഭങ്ങളില് പെട്ട ജനങ്ങളെ സഹായിക്കാന് ഗവന്മേന്റ്റ് ഒന്നും ചെയുന്നില്ല എന്ന ജന വികാരം . അതെ പ്രസിഡണ്ട് ബുഷും റിപ്പബ്ളിക്കന് പാര്ട്ടിയും എല്ലാം ഉപേക്ഷിച്ച മട്ടായിരുന്നു. അടുത്ത ഊഴം ഡെമോക്രാറ്റിക് പാര്ട്ടിയുടെതാണ് . ചുരുങ്ങിയത് നാലുകൊല്ലമെങ്കിലും ഇതുവരെ ഭരിച്ചതിന്റെ ക്ഷീണം തീര്ക്കാം . അതുകൊണ്ട് തന്നെ ഒരു നല്ല റിപ്പബ്ളിക്കന് പാര്ട്ടി സ്ഥാനാര്ഥി യുടെ പേര് പോലും കേള്ക്കാനില്ലായിരുന്നു .മറിച്ച് ഡെമോക്രാറ്റിക് ചേരിയില് ആവേശമായിരുന്നു . രണ്ടു കൊല്ലം മുന്പ് നടന്ന സെനറ്റ് തെരഞ്ഞെടുപ്പില് നേടിയ മികച്ച വിജയം,പുതുമുഖമെങ്കിലും അടുത്ത കാലത്ത് അമേരിക്ക കണ്ട മികച്ച വാഗ്മികളില് ഒരാളായ ഒബാമയും , ഏറ്റവും ജന പ്രിയ പ്രസിഡണ്ട് മാരില് ഒരാളായ ബില് ക്ളിന്റന് ന്റെ ഭാര്യയും രാഷ്ട്രീയ -സാമൂഹിക മണ്ഡലങ്ങളില് വളരെക്കാലമായി നിറഞ്ഞു നില്ക്കുന്ന ഹിലരിയും സ്ഥാനാര്ഥിത്വ പോരാട്ടത്തില് ഒപ്പത്തിനൊപ്പം പോരാടുന്നു, ഭരണ വിരുദ്ധ വികാരം ആളിക്കത്തിക്കാന് പാര്ട്ടിക് ഒരു പ്രയാസവും ഉണ്ടായിരുന്നില്ല .
സെപ്റ്റംബര് 2011
 |
| ചിന്താ നിമഗ്നായ ഒബാമ |
ഏറെ പ്രതീക്ഷയോടെ ജനങ്ങള് അധികാരത്തിലേറ്റിയ ഒബാമയുടെ ഭരണവും അവസാന പാദത്തില് എത്തിനില്ക്കുന്നു. ഭരണത്തിലേറുംപോള് ഉണ്ടായിരുന്ന ആവേശവും ആത്മവിശ്വാസവും ഒബാമയ്ക്കോ ജനങ്ങള്ക്കോ ഉള്ളതായി തോന്നുന്നില്ല. അപ്പ്രൂവല് റേറ്റിങ്ങുകള് , ഭരണ വിരുദ്ധ വികാരത്തിന്റെ നേര് സൂചകങ്ങളാണ് . തൊഴിലില്ലായ്മ ഏറ്റവും ഉയര്ന്ന നിരക്കില് , ഫെഡറല് ഗവര്മെന്റും അനുബന്ധ സംവിധാനങ്ങളും നിത്യ ചിലവിനു പണമില്ലാതെ 'അടച്ചു പൂട്ടല് ' ഭീഷണി നിരന്തരം നേരിട്ടുകൊണ്ടിരിക്കുന്നു, ഇതിനെല്ലാം പുറമേ അമേരിക്കയുടെ ക്രഡിറ്റ് റേറ്റിങ്ങ് ,ഇവിടുത്തെ ഭരണ സംവിധാനത്തില് വിശ്വാസം നഷ്ടപ്പെട്ടു എന്ന കാരണം പറഞ്ഞു , ചരിത്രത്തില് ആദ്യമായി തരം താഴ്തപ്പെട്ടിരിക്കുന്നു. റിപ്പബ്ളിക്കന് മേധാവിത്വത്തിലുള്ള ഹൌസും ഒബാമയും തമ്മിലുള്ള പടലപ്പിണക്കങ്ങള് ആ 'വിശ്വാസ'ത്തെ ഉടനെയൊന്നും തിരിച്ചു കൊണ്ട് വരുമെന്ന് കരുതുകയും വയ്യ . ഇറാഖിലെ സേനാപിന്മാറ്റവും ഒസാമ ബിന് ലാദന്റെ വധവും നേട്ടങ്ങളായി എടുത്തു കാട്ടാന് ഒബാമയും
ഡെമോക്രാറ്റിക് പാര്ട്ടിയും കിണഞ്ഞു പരിശ്രമിക്കുന്നുണ്ടെങ്കിലും , അതൊന്നും ആരും ശ്രദ്ധിക്കുന്നുണ്ട് എന്ന് തോന്നുന്നില്ല. ഈ പശ്ചാത്തലത്തിലാണ് അടുത്ത വര്ഷം നടക്കുന്ന പ്രസിഡണ്ട് തിരഞ്ഞെടുപ്പ് കൂടുതല് വാശി യുള്ളതായി തീരുന്നത് .
ഹിലാരിക്ക് 'സെക്രട്ടറി ഓഫ് സ്റേറ്റ് ' സ്ഥാനം നല്കുക വഴി, ഒബാമ എതിരില്ലാതെയുള്ള തന്റെ സ്ഥാനാര്ഥിത്വം നാലു വര്ഷം മുന്പ് തന്നെ ഉറപ്പിച്ചിരുന്നു . എന്നാല് റിപ്പബ്ളിക്കന് പാര്ട്ടിയില് സ്ഥിതി അതല്ല .ശരാശരി നേതാക്കന് മാരുടെ ഒരു നീണ്ട നിരതന്നെ പാര്ട്ടിക്കുണ്ട് എന്നാല് ശക്തനായ ഒരു നേതാവിന്റെ അഭാവം ആ തിരഞ്ഞെടുക്കല് പ്രക്രീയയെ കൂടുതല് വീറും വാശിയും ഉള്ളതാക്കുന്നു . ഒബാമ 'അജയ്യനല്ല' എന്ന തിരിച്ചറിവ് അവരുടെ മോഹങ്ങളെയും ആത്മ വിശ്വാസത്തെയും പതിന് മടങ്ങ് വര്ദ്ധിപ്പിച്ചിരിക്കുന്നു .ഇക്കഴിഞ്ഞ റിപ്പബ്ളിക്കന് പ്രസിഡന്ഷ്യ ഡിബേറ്റുകളില് നാം കണ്ട ആവേശവും , അതിനു ലഭിച്ച മാധ്യമ ശ്രദ്ധയും പാര്ടി പടയൊരുക്കങ്ങള് വേണ്ട വിധം തുടങ്ങി കഴിഞ്ഞു എന്നതിന്റെ സൂചനകളാണ് .
മുന് മാസച്യുസറ്റ് ഗവര്ണ്ണരായിരുന്ന മിറ്റ് റോംനി (
Mitt Romney) ആണ് റിപ്പബ്ളിക്കന് സ്ഥാനാര്ഥി സാധ്യതാ പട്ടികയില് മുന്പന്തിയില് നില്ക്കുന്നത് . കഴിഞ്ഞ തവണയും റോംനി ഒരു ശ്രദ്ധേയ സാന്നിധ്യം ആയിരുന്നെകിലും ഒടുവില് പുറം തള്ളപ്പെട്ടു പോവുകയായിരുന്നു . 2002 -ലെ വിന്റര് ഒളിമ്പിക്സ് മികച്ച രീതിയില് നടത്തി തന്റെ സംഘാടന പാടവവും, മികച്ച ഒരു ബിസിനസ് മേധാവി എന്ന നിലയില് സാമ്പത്തിക പാടവവും തെളിയിച്ച അദ്ദേഹത്തിന് വിനയായി നില്ക്കുന്നത് അദ്ധേഹത്തിന്റെ മത വിശ്വാസമാണ് . അമേരിക്കന് സമൂഹത്തിന്റെ ഉന്നത ശ്രേണിയില് ധാരാളം ആളുകള് ഉള്ള ജുത മത വിശ്വാസത്തിന് ഘടക വിരുദ്ധമായ 'മോര്മോണ് ' വിശ്വാസിയാണ് റോംനി. ജുത മത നേതാക്കളുടെ പിന്തുണയില്ലാതെ അമേരിക്കയില് ഒരു കാര്യവും നടക്കുകയില്ല എന്നിരിക്കെ റോംനി യുടെ മുന്നോട്ടുള്ള പോക്ക് സംശയാസ്പദം തന്നെ യാണ് .
 |
| റിപ്പബ്ളിക്കന് സ്ഥാനാര്ഥികള് ഡിബേറ്റി നൊരുങ്ങുന്നു |
വളരെ വൈകി ആണ് മത്സര രംഗത്ത് എത്തിയതെങ്കിലും , സാധ്യതാ പട്ടികയില് നേരിയ വ്യത്യാസത്തില് മാത്രം ,രണ്ടാം സ്ഥാനത്തു നില്ക്കുന്നത് ടെക്സാസ് ഗവര്ണ്ണരായ റിക്ക് പെറി (
Rick Perry ) ആണ് . ബുഷിന്റെ പിന് മുറക്കാരനായി ടെക്സാസ് ഗവര്ണ്ണരായ റിക്ക് ഏറ്റവും കൂടുതല് കാലം ആ പദവി വഹിക്കുന്ന വ്യക്തിയാണ് . മികച്ച വാഗ്മിയും ,ഡിബേറ്റുകളിലെ ചോദ്യങ്ങള്ക്ക് കണിശവും കൃത്യതയുള്ള തുമായ മറുപടി കൊടുക്കുന്നതില് ശ്രദ്ധേയനുമായ ഇദ്ദേഹം , ഒബാമക്കെതിരെ യുള്ള ഏറ്റവും മികച്ച എതിരാളി ആയിരിക്കും എന്ന് ചിന്തിക്കുന്ന രാഷ്ട്രീയ നിരീക്ഷകര് ചുരുക്കമല്ല . റിക്ക് - റോംനി വാദ പ്രദിവാദങ്ങളും പരസ്യ യുദ്ധങ്ങളും ഇവിടെ ചൂട് പിടിച്ചു കഴിഞ്ഞിരിക്കുന്നു .
റിപ്പബ്ളിക്കന് ചേരിയിലെ ഏക സ്ത്രീ സാന്നിധ്യമാണ് , മിനസോട്ട കോണ്ഗ്രസ് വുമണ് മിഷേല് ബാക്മന് (
Michele Bachmann) . ടീ പാര്ട്ടി മൂവ്മെന്റിന്റെ പ്രിയങ്കരിയായ ഇവര് 'അഭിനവ' സാറ പെയ്ലിന് (
Sarah Palin) ആണ് . എന്നാലും മണ്ടത്തരങ്ങളും വിടുവായത്തവും 'പെയ്ലിന് നിലവാര'ത്തെക്കാള് വളരെ ഭേദമാണെന്ന് വേണം പറയാന് . ഒരു പ്രസിഡണ്ട് സ്ഥാനാര്ഥിക്ക് വേണ്ട പാടവം ഒരു മേഖലയിലും മില്ലെങ്കിലും ഒരു 'റണ്ണിംഗ് മേറ്റ് ' ആകാനുള്ള എല്ലാ യോഗ്യതയും അവര്ക്കുണ്ട് . റിപ്പബ്ളിക്കന് പാര്ടിയില് നിസ്സാരമായി തള്ളിക്കളയാവുന്നതിലും സ്വാധീനം ടീ പാര്ട്ടി-യ്ക്ക് ഉണ്ടെന്നുള്ളത് ബാക്മന് ന്റെ സാധ്യത വര്ധിപ്പിക്കുന്നു .
സ്ഥാനാര്ഥിയെ കൃത്യമായി നിര്ണ്ണയിക്കുന്നതില് പിഴവ് പറ്റാത്ത ഫ്ളോറിഡ സ്ട്രൌ പോളിലെ (
Florida Straw Poll) വിജയി ആണ് ജോര്ജിയയില് നിന്നുള്ള ഹെര്മന് കൈന് (
Herman Cain). സ്ട്രൌ പോളില് വിജയിച്ചുവെങ്കിലും കറുത്ത വര്ഗക്കാരനായ ഈ ബിസിനെസ്സുകാരന് സ്ഥാനാര്ഥിത്വം ലഭിക്കുമെന്ന് ആരും കരുതുന്നില്ല .
ടീ പാര്ട്ടി മൂവ്മെന്റിന്റെ ബുദ്ധി കേന്ദ്രമെന്നറിയപ്പെടുന്ന റോണ് പോള് (
Ron Paul), മുന് ഹൌസ് സ്പീക്കര് ആയിരുന്ന ന്യുറ്റ് ഗ്രിന്ച് (
Newt Gingrich) , പെന്സില്വേനിയ സെനറ്റര് റിക്ക് സാന്റോ റാം(
Rick Santorum) തുടങ്ങി പലരും മത്സര രംഗത്ത് സജീവമായി നില്ക്കുനുണ്ടെങ്കിലും ഇവരുടെയെല്ലാം സാദ്ധ്യതകള് തുലോം കുറവാണെന്ന് നിരീക്ഷകര് വിലയിരുത്തുന്നു .
ചൂട് പിടിച്ച രാഷ്ട്രീയ സംവാദങ്ങളും ഒപ്പം കൃത്യതയുള്ള നിരീക്ഷണങ്ങളും മായി അമേരിക്കന് മാധ്യമങ്ങള് 'തെരഞ്ഞെടുപ്പു ആഘോഷം' തുടങ്ങിക്കഴിഞ്ഞു . കഴിഞ്ഞ തിരഞ്ഞെടുപ്പുകളില് ശൈശവ ദശയിലായിരുന്ന ഫേസ് ബുക്ക് , ലിങ്ക്ടിന്(
LinkedIn) പോലെയുള്ള സോഷ്യല് നെറ്റ് വര്ക്കിംഗ് സൈറ്റുകളും കൂട്ടായ്മകളും പൊളിറ്റിക്കല് ആക്ഷന് കമ്മിറ്റികളും മറ്റുമായി , രംഗത്തെത്തി കഴിഞ്ഞു . ഇനി പുതിയ പ്രസിഡണ്ട് -ന്റെ സ്ഥാനാരോഹണം വരെ , ഈ കൂട്ടര്ക്കൊന്നും വിശ്രമമില്ല .
ഇരുപതാം നൂറാണ്ടില് ശാസ്ത്രത്തിന്റെ ഗതി തിരിച്ചുവിട്ട ഒരുകൂട്ടം കണ്ടുപിടുത്തങ്ങളെ കുറിച്ച് വിവരിക്കുന്ന ഒരു പുസ്തകമാണ് അലെന് ലൈറ്റ്മാന് (Alan Lightman) -ന്റെ ദി ഡിസ്കവറീസ് : ഗ്രേറ്റ് ബ്രേക്ക് ത്രൂസ് ഓഫ് 20th സെഞ്ച്വറി സയന്സ് (The Discoveries:Great Breakthroughs in 20th Century). ശാസ്ത്രം എന്ന അനന്ത വിഹായസ്സില് ,നക്ഷത്രങ്ങളായി തിളങ്ങുന്ന ഓരോ കണ്ടുപിടുത്തങ്ങളുടെയും സ്ഥാനവും ,മറ്റുള്ളവയുമായുള്ള ആപേക്ഷിക പ്രാധാന്യവും വരച്ചു കാട്ടണമെങ്കില് , ശാസ്ത്രത്തിലും ,എഴുത്തിലും,സാംസ്കാരിക ചരിത്രത്തിലും മറ്റും അതീവ താല്പര്യവും പാണ്ഡിത്യവുമുള്ള ഒരാള്ക്ക് മാത്രമേ കഴിയൂ.ഇതിനുപരി ഈ കണ്ടുപിടുത്തങ്ങങ്ങളെ ശാസ്ത്ര ലോകത്തിനു മുന്നില് അവതരിപ്പിച്ച
യഥാര്ത്ഥ ജേര്ണല് പേപ്പറുകളും,അവ സാധാരണ വായനക്കാര്ക്ക് മനസിലാക്കാന് വേണ്ട അടിസ്ഥാന വിക്ഞാന പശ്ചാത്തലം കൂടി നല്കുന്നു വെന്നത് , ഈ
ഗണത്തില് പെട്ട മറ്റു പുസ്തകങ്ങളില് നിന്ന് ഇതിനെ വ്യത്യസ്തമാക്കുന്നു.
